Competënza digitala

Obietifs 

• Sostëgn (digital) d’insegnantes y insegnanc tla preparaziun didatica y tl’insegnamënt. 
• Costruziun de na rëi de colaboraziun por l’aprendimënt y svilup digital. 
• Promoziun de n’aprendimënt inovatif, interatif y plö atratif. 
• Integraziun dl’inteliënza artifiziala e software desvalies sciöche stromënc inovatifs de sauridanza. 
• Promoziun de n’adoranza cosciënta d’injins digitai, media nüs y inteliënza artifiziala. 
• Sensibilisaziun tl’ambit dla segurëza y responsabilité digitala. 

 
Ativités  

• Organisaziun de cursc de formaziun, en pert tignis dai mëmbri dl Ciamp pedagogich  y en pert da esperc esterns, tl’ambit dla competënza digitala cun chëstes priorités: 
  - gestiun de accounc/azesc desvalies y de documënc, 
  - adoranza de software didatics de basa (p.ej. register digital, Office365, …), 
  - anuzamënt d’injins y tools digitai, sciöche integraziun de metodes tradizionales, 
  - conescënzes hardware de basa, 
  - segurëza y responsabilité digitala, 
  - oportunités y risć dl’inteliënza artifiziala. 
• Oferta y gestiun de n post d’incuntada y sostëgn tecnich online. 
• Sostëgn y acompagnamënt di responsabli dl’informatica tles scores (DSB). 
• Organisaziun de proiec pedagogics te scora y tles scolines. 
• Elaboraziun de vademecums y video desmostratifs (tutorials). 
• Identificaziun y seleziun de stromënc digitai adatá al’acompagnamënt di  
  materiai d’insegnamënt laurá fora dal Ciamp pedagogich.