Iscriziun te na scolina ladina

Les iscriziuns tardies por l'ann de scolina 2026/27 pó gní fates online dai 20 ai 22 de agost 2026.

Sorvisc d'iscriziun online

Les families interessades mëss bele danfora se arjigné n azes SPID o ativé la cherta di zitadins (CIE). La domanda mëss ma gní fata tres le portal MyCivis.

Al pó gní scrit ite mitans y mituns nasciüs y nasciüs danter le 01.09.2020 y le 31.12.2023.

Les domandes de iscriziuns tardies pó ma gní tutes en conscidraziun sce al é ciamó lerch y sce la situaziun dl personal le pormët.

Chi che müda residënza, pó fá na domanda de mudaziun por jí ala scolina tl post nü de residënza. Chësta domanda é da scrí fora y dé jö tla Direziun dles scolines (Urtijëi - Strada Roma 4 o San Martin de Tor - Piculin 22.

Ann de oblianza:
Aladô dl art. 2, coma 2, dla Lege Provinziala di 16 d'agost 2008 n°5 é un n ann de scolina de oblianza. Düc i mituns y les mitans nasciüs danter le 1. de ma 2021 y i 30 d'aurí 2022 mëss gní scric ite ala scolina.

Cun la delibera dla Junta Provinziala n°1.111 di 03.12.2024 vëgnel definí criters y detais por l'introduziun dl ann de scolina de oblianza.

I responsabli dl'educaziun che surantol instësc la formaziun de sü mituns o mitans tratan l'ann de scolina de oblianza, mëss dé jö al comun de residënza, anter le termin por presenté la domanda d'iscriziun, na autodetlaraziun (verjiun todëscia - (verjiun taliana) che fej instësc ativités de formaziun cun i mituns y les mitans, che corespogn ales Indicaziuns Provinziales por les scolines dl Südtirol.

Informaziuns plü menüdes é da ciafé tles scolines y dala Direziun dles scolines al numer de telefon 0471- 797117.

• Vorrangskriterien zur Aufnahme der Kinder in den Kindergarten
• Criteri di priorità per l'ammissione di bambini e bambine nella scuole dell'infanzia
• Iscrizions online - MyCivis (descrizion per tudësch)
• Iscrizions online - My Civis (descrizion per talian)
• Tituler dl dërt per la elaburazion di dac - Nfurmazion aldò dl art. 13 dl urdinamënt (EU) 2016/679 dl Parlamënt Europeich y dl Cunsëi di 27 de auril dl 2016