![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Orientamënt pedagogich
La filosofia formativa
La filosofia formativa dles scolines ladines se basëia söles Indicazions Provinziales, che evidenziëia le svilup global y la promoziun dl lingaz y dla cultura ladina.
Chëstes indicaziuns promöi le svilup individual, l’inclujiun y l’aprendimënt en colaboraziun cun geniturs y comunité. Ares promöi capazités cognitives, soziales, emozionales y artistiches, sciöche ince le plurilinguism. L'obietif é creé n ambiënt de aprendimënt stimolant por formé individuums cosciënc y competënc sozialmënter por na sozieté diversificada. I Pinsiers d’orientamënt y le Conzet pedagogich sostëgn chësc, definin valurs y obietifs, ti don pëis al lingaz y ala cultura ladina.
Basa legala
La basa legala y i dërc di mituns tl ciamp dl’istruziun y dla formaziun tl Südtirol se basëia sön le Statut de Autonomia dl Trentin-Südtirol y les leges provinziales spezifiches dla Provinzia Autonoma de Balsan.
Chisc stromënc garantësc le dërt de formaziun, tëgn cunt dl'identité linguistica y culturala di mituns y dles mitans y assigurëia l'azes a na istruziun de cualité alta. La lege dl'istruziun regolëia i programs de insegnamënt, l'organisaziun scolastica y la promoziun dl plurilinguism. Les acordanzes internazionales, sciöche la CNU (Convenziun dles Naziuns Unides sön i Dërc dl'Infanzia), integrëia les leges nazionales y assigurëia dërc plü ampli por i mituns y les mitans, che i/les scona dala descriminaziun y promöi so svilup personal.
Dërc dles mitans y di mituns
I 20 de novëmber dl 1989 á la Organisaziun dles Naziuns Unides (ONU) aprové la “Convenziun Internazionala sön i Dërc dles mitans y di mituns”. Ara se trata de n documënt che dá dant i dërc dles mitans y di mituns y ci che an mëss fá por i respeté y i atué.
Le Garant por l'infanzia y l'adolescënza de Südtirol descrí te na manira scëmpla tla brosciüra "Les mitans y i mituns á dërc" la Convenziun sön i dërc dla infanzia dles Naziuns Unides.
