Sport scolastich

Implü vëgnel realisé campionac raionai y provinziai (por les scores mesanes y altes) te deplü disciplines sportives, te chëres che i studënc y les studëntes á la poscibilité da se cualifiché ai campionac regionai e nazionai.

Inant se dá jö le ciamp cun l’organisaziun y l’esecuziun de proiec e iniziatives sportives te trames les valades ladines, dala scolina cina ala scora alta. Bele da agn él na cooperaziun inanter les valades ladines, ince sura i confins dl Südtirol fora. Insciö se incunta vigne ann indô les cinch valades ladines por n evënt sportif (sciöche pro le Hockey Ladin).

N gran fin dl Sport scolastich ladin é da condüje les scores primares y mesanes tla direziun dla Scora Movimentada (Bewegte Schule). La finalité dla Scora Movimentada é da mioré l’ambiënt scolastich portan ite plü movimënt y insciö imparé cun plü motivaziun e sodesfaziun.

Al vëgn ince pité formaziuns tl ciamp dl sport y movimënt por i insegnanc y les insegnantes de düc i liví de scora. Ala fin vara da porté ite plü movimënt tl monn dla scora, tres proiec interesanc y da mioré la cualité dl’educaziun motorica.