![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Per la families
"Bënunii te nosta scolina"
Nscì saludons la mutans y i mutons te nosta rujeneda de l'oma tla scolines ladines.
La scolina ie l prim scialier de furmazion tl sistem furmatif tl Südtirol. Mutons y mutans danter 3 y 6 ani po jì ala scolina.
L'iscrizion al ultimo ann de scolina ie de ublianza. La scolina mët l mut/la muta cun si svilup ndividuel y la furmazion ndividuela tl zënter dl lëur pedagogich.
Tl Südtirol iel scolines tudësces, talianes y ladines.
Iscrizion te na scolina
La iscrizion te na scolina possa unida fata uni ann de jené me online tres l portal myCIVIS.
Regolamënt intern dles scolines
Le regolamënt intern dles scolines rapresentëia n documënt ofizial odü dant dala lege provinziala nr. 36/1976 y é fondamental por la gestiun y le bun funzionamënt dl’istituziun.
Al stabilësc les regoles y les prozedöres da tigní ite en cunt de aspec relevanc desvalis, cherian insciö n cheder de referimënt tler y conesciü por dötes les porsones che frecuentëia la scolina o la aministrëia. Le fin é da garantí n ambiënt sigü, organisé y vantajus por l’aprendimënt y le svilup di mituns y dles mitans. Implü, dessel promöie comportamënc respetusc y colaboratifs, garantí trasparënza tles prozedöres aministratives y organisatives dla scolina.
Transiziuns Ciasa di pici - Scolina - Scora
I passaji é fases de vita significatives, che é caraterisades da cambiamënc desvalis.
La pröma transiziun fondamentala é generalmënter rapresentada dal passaje dala familia ala scolina, o, tl caje che le möt/la möta ais bele frecuenté na strotöra por l’infanzia, le passaje da chëst’ultima ala scolina. Cun le passaje dala scolina ala scora primara, mët spo man na nöia fasa de vita. Dötes chëstes transiziuns se damana da se adaté a rutines, strotöres soziales y ambiënc nüs. Na preparaziun acurada, sostëgn emotif y rutines stabiles é essenziales por pité ai mituns y ales mitans segurëza.
Calënder dl ann de scolina
La regulamentazion atuela dl calënder de scolina y scola:
L calënder de scolina/scola ie unì mudà cun la deliberazion dla jonta provinziela di 13. de fauré dl 2012, nr. 210, dal ann de scolina 2012/2013 inant.
Portal dles families dla Provinzia de Balsan
Sön le portal ofizial dles families él da ciafé informaziuns plü menüdes sön contribuc finanziars, assistënza al'infanzia, consulënza y sostëgn, variores de oblianza por la scolina y i.i..
