Svilup scolastich y dla didatica

Cunlaurazion per l svilup scolastich y didatich

• Acumpanion l'istituzion tla proietazion y mplementazion de strategies per miuré l'esperienza educativa a na maniera costanta.
• Ti piton sustëni ala nseniantes y ai nsenianc, promuvan prupostes pedagogiches inuvatives.

Elaborazion de cunzec y materiai didatics

• Crion materiai inovatifs per l nseniamënt dla rujenedes, che tira pea la mutans y i mutons y che garantësc na didatica de fazion y stimulënta.

Acumpaniamënt pedagogich-didatich per nseniantes y nsenianc nueves

• Sustenion i maestri y la maestres nueves pitan urientamënt, se giamian ora de bona pratiches y dajan feedback costrutif.

Nosta esperienza se destënd ora te ciamps desvalifs

• Atività de usservazion sistematica dla lezion: analison cun atenzion la dinamiches te tlas per otimisé la strategies didatiches.
• Gestion de coloquium prelimineres y de feedback ala lezion: sustenion la comunicazion davierta y costrutiva danter la maestres y i maestri.
• Didatica per cumpetënzes: sustenion la sëurantëuta de cunescënzes pratiches y “life skills”.
• Comunicazion y gestion dla tlas: crion n ambient inclusif ulache che favorisea l mparé.
• Valutazion y feedback: meton n droa pratiches de valutazion giust y che mutivea la sculeés y i sculeies.
• Inclusion: meton nosc mpëni per garantì che duta la studëntes y duc i studënc ebe azes a na istruzion de cualità.
• TIC (Digitalisazion dla didatica): ntegron a na maniera creativa la tecnologia per ti dé zeche mplu al mparé.
• Creazion de duvieres che fej referimënt al mond reél: piton duvieres autentics y de realtà che stimulea la reflescion critica.
• Metodologies didatiches desvalives: ulon ti jì permez ala sculeés y ai sculeies cun metodes flesibles y defrëntes per cuntenté i bujëns de mparé de dutes y duc.

Cun ntujiasm dajons nosc cuntribut per l suzes educatif de nosta cumunità y de mudelé l daunì de y nosta studëntes y nosc studënc tres na istruzion de cualità. Ve nvion a ti cialé ala ressorses y la scumenciadives pitedes da nosc departimënt per di dé mo zeche mplu al'esperienza educativa de uni studënta y studënt.