Nrescides nazioneles y internazioneles

La inrescides nazioneles realisedes dal INVALSI à l fin de abiné ora la cumpetënzes tla rujenedes (talian y tudësch), de conc y de nglëisc y ie de ublianza per duta la scoles. La scoles ladines, de gra a si realtà plurilinguela, tol pert ala proes nazioneles cun n urdenamënt particuler regulamentà da cunvenzions danter la Ntendënza y Cultura ladina y l INVALSI (link estern).

La nrescides internazioneles ne ie nia de ublianza, purempò tol la scoles ladines pert ala nrescides dl Cunsorz OCSE-PISA (link extern) che à l fin de paredlé l aprendimënt de sculeies y sculées de chindesc ani te plu de 50 paejes de dut l mond. La nrescides PISA vën fates uni trëi ani y se basa sun trëi aspec fundamentei dl aprendimënt (letura, matematica y scienzes) y sun d’autra cumpetënzes che l ie de bujën per ti vester ala cumplessità dl mond d’al didancuei (creative thinking, financial literacy).

Duvier dl Servisc de valutazion ie l’analisa di dac che reverda i resultac dla nrescides nazioneles y internazioneles dla scoles ladines.

Per i nsenianc y la nseniantes dla scoles ladines ie plu material y nfurmazions da abiné sun la Sharepoint (link estern).