![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Promoziun dla sanité y educaziun ala mobilité
„Se sté saurí y cun ecuiliber te scora!“ Cun chësc moto orunse porté inant nostes iniziatives te dötes les scores dles valades ladines por le bëgn dla sanité de düc. N ater fin é chël da mëte en pratica les mius esperiënzes y mosöres che á da nen fá cun la segurëza y l’educaziun sön strada.
La scora é de fat n post olache i mituns y i jogn passa la gran pert de so tëmp da imparé. L’ambiënt de vita, les esperiënzes y les usanzes forma, adöm cun les conescënzes y competënzes scolastiches arjuntes, la manira de fá y le comportamënt tla comunité. Porchël ól ester respet un cun l’ater, azetanza de se instësc y respet dles regoles.
La promoziun dla sanité y l’educaziun ala segurëza sön strada tl cheder dl’istruziun scolastica se ghira n plann strotoré y sistematich por se sté saurí a livel fisich, mental y sozial. Implü renforzëiel le spirit de coletivité.
Nüsc proiec educatifs á le fin da promöie n stil de vita sostignibl tres linies de referimënt ti ciamps desvalis che á da nen fá cun la sanité. Da le mëte en pratica vëgnel sostigní le svilup dl’autonomia, de usanzes y comportamënc corec. Al personal insegnant de vigni livel scolastich ti vëgnel pité cursc de formaziun sön l’educaziun ala sanité.
La realisaziun di proiec desvalis vëgn arjunta dilan ala colaboraziun y sinergia de deplü sogec, che pó ester i ofizi scolastics, les unités sanitares, i zëntri spezialisá a livel provinzial y statal, coche ince i profescionisć esperc tl ciamp dla sanité y dla mobilité.
Contat
Castlunger Sofia
Promoziun dla sanité
Picolin 22
39030 San Martin de Tor (BZ)
A mez tëmp
Sënta destacada Val Badia
Proiec
Proiet "Dis dla sanité"
Pröm aiüt, educaziun sessuala, movimënt, sozialisaziun, alimentaziun y prevenziun é n valgönes dles tematiches che vëgn tratades tl proiet.
Proiet ONLINE-OFFLINE
Proiet de prevenziun y sensibilisaziun che reverda le monn di media digitai y n’adoranza sana y cosciënta di stromënc tecnologics
Educaziun stradala
Conësce y imparé co se comporté a pe y cun la roda por ester bogn da jí sigüsc sön strada
