Sorvisc por l'inclujiun

Le team dl Sorvisc por l’inclujiun laora por n sistem formatif inclusif. Le personal dl Sorvisc pita informaziun, consëis, sostëgn y acompagnamënt ales scolines y scores, ai geniturs de mituns y mitans, jogn y jones cun dejabilité, cun desturbs tl imparé o cun d’atri bojëgns formatifs particolars.

Le Sorvisc aconsiëia y sostëgn les scolines y les scores tl’inclujiun di mituns y dles mitans, di jogn y dles jones cun background de migraziun y organisëia, adöm cun les scolines y scores, proiec tl ciamp dl’educaziun interculturala y dla promoziun di lingac.

N’atra ativité dl Sorvisc é l’organisaziun dla formaziun spezifica söl sostëgn por le personal insegnant, pedagogich y d’integraziun.

Le Sorvisc tëgn n contat strënt cun les atres istituziuns söl teritore.