![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Per l personal pedagogich
Sun chësta plata giapa l personal pedagogich dla scolines nfurmazions sun la furmazion prufesciunela, l link per la repartizion dl ufize dl personal y la Ndicazions Provinzieles cun aiuc per la pratica.
Sun la plata internet dl ufize dl personal vëij l personal pedagogich ciunes che ie la cundizions per ruvé sun graduatoria da maestra o culaburadëura pedagogica, la graduatories, i ejams de idoneità y i posć liedesc.
Tl ciamp pedagogich dl portal dla scola ladina possen abiné materiai didatics, mpulsc desferënc, furmazion y d'autra ressorses de utl per l'atività educativa (Didatica e ciamp Pedagogich|Intendënza y Cultura ladina).
I doi profii prufesciunei te scolina
Nosta ncëria - plu che na prufescion
La scolina sustën y acumpanieia i mutons y la mutans danter i 3 y i 6 ani. Tl zënter ie uni mut/a cun si persunalità, capaziteies y potenziai. Duvier dla scolina ie de valorisé y cultivé chisc aspec te na maniera ndividuela y tres na lerch formativa che nvieia, tres prozesc formatifs defrënc y n acumpaniamënt sensibl.
Per arjonjer chësc fin y per garantì n lëur pedagogich de cualità lëura l/a maester/maestra y l/a culaburadëur/a pedagogich/a adum tl team: l/a maestra/maestra de scolina manejea l lëur pedagogich y l/a culaburadëur/a pedagogich/a l/a sustën.
Nos chiriun TE!
Este apascioné/ada, paziënt/a y sensibl/a?
Te plejel daidé y acompagné i mituns te so svilup?
Dailó é le laur te scolina avisa le dërt por te!
Ester maester/maestra o colaboradú/colaboradëssa pedaogogich/pedagogica pita de vigni sort de compic, olache vigni de é atramënter. Te pos arichí la vita da vigni de di mituns cun ativités creatives, sportives y pedagogiches, odon vigni de sciöche to laur influenzëia positivamënter so svilup. Chësta profesciun te garantësc n dagní sigü, n laur de team te n ambiënt motivé y n gröm de oportunités de svilup profescional.
I n’odun l’ora da te dé le bëgngnü!
Ci dij pa nostes maestres y colaboradësses pedagogiches?
“Podëi acompagné y sostigní i mituns y les mitans te so svilup individual y sön so tru da esploré le monn, me dá gran motivaziun, sodesfaziun y ligrëza.”
“A me piace molto la spontaneità e la sincerità dei bambini e delle bambine. Adoro le loro risate e posso imparare molto da loro, in special modo quando si chiedono scusa a vicenda.”
“Ie é crì ora l lëur te scolina, ajache uni di ie sciche na pitla aventura: straurdiner, unich y particuler.”
“Meine Arbeit ist nie langweilig, die Kinder bereichern meinen Alltag und mein Leben.”
