![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Erasmus+ | Finanziamënc por scomenciadies de mobilité
Prozedöra de candidatöra
La Direziun Istruziun, formaziun y cultura ladina á ciafé te tröc stac europeics finanziamënc por scomenciadies de mobilité che reverda le program de cornisc Erasmus+ dl'UE. Chisc finanziamënc é a desposiziun dl personal pedagogich dla scolina, dl personal dl Sorvisc por l'inclujiun, dl personal aministratif y insegnanc comaná dla Direziun Istruziun, formaziun y cultura ladina.
Danter jená y setëmber 2026 él preodü deplü opziuns de mobilité:
- Job shadowing: lauré por öna o döes edemes en colaboraziun cun na organisaziun foradecá (al ester), osservan y abinan adöm idees nöies.
- Cursc y formaziuns de perfezionamënt: formaziun spezialisada sön la pedagogia, les competënzes linguistiches, la digitalisaziun, l’inclujiun y d'atri argomënc.
Chisc grups de porsones pó fá domanda de mobilité:
- Personal pedagogich dla scolina
- Personal dl Sorvisc por l’inclujiun
- Personal aministratif dla Direziun Istruziun, formaziun y cultura ladina
- Insegnanc comaná
Tëmp por dé jö la domanda: cina ai 15 d'aurí 2026.
Sce al vëgn ite manco domandes co posć a desposiziun, pón ince fá domanda plü tert.
Les poscibilités desvalies gnará presentades online tres Microsoft Teams en:
- mercui, ai 11 de merz dales 15:30 cun Judith Leiter (WFO Meran), che á tröc agn de esperiënza tl ciamp dl Erasmus, ultimamënter ára fat job shadowing tla Danimarca, incö fejera pert dl team de coordinaziun dl acreditamënt; y Ulrike Huber ambasciadëssa Erasmus Plus, EU Service Team - Departimënt Istruzion y Furmazion tudëscia (Link Microsoft Teams)
- mertesc, ai 17 de merz dales 15:30 ales 16:15 cun Evelyn Jocher (SSP Porsenú/Milland, scora primara), ara á na gran esperiënza tl ciamp dla mobilité, ara á fat deplü ospitaziuns, ultimamënter te döes scores tla Germania (Link Microsoft Teams)
Metede averda: le test dla bandida dl concurs chiló injunté vëgn te chësc momënt atualisé y i le publicarun tosc danü; le proscim termin por fá domanda é ai 15 d'aurí.
Deplü informaziuns sön les opziuns de mobilité y sön la prozedöra de candidatöra ciafon tla bandida publica:
Da desćiarié jö:
(PS)
