Iscrizion te na scolina ladina

La Direzion dla scolines “LADINIA” lascia al savëi, che l’iscrizions ala scolines per l ann 2026/2027 puderà mé plu unides fates online, dai 8 ai 16 de jené 2026.

Servisc de iscrizion online

La families nteressedes dëssa bele dan ora se anjenië n account SPID o ativé la cherta di zitadins (CIE).

L possa unì scri ite mutans y mutons nasciudes y nasciui danter l 01.09.2020 y l 31.12.2023.

Genitores o respunsabli dl’educazion residënc che ne à nia fat l’iscrizion nfin ai 16 de jené 2026 possa fé l’iscrizion te n segondo mumënt tres l portal online “IOLE” dai 20 ai 22 d’agost 2026. Chësta dumandes possa mé unì tëutes n cunscidrazion sce l ie mo lerch y sce la situazion dl personal l permët.

Chi che muda residënza, possa fé na dumanda de mudazion per ji ala scolina tl nuef post de residënza. Chësta dumanda ie da scrì ora y da dé ju tla Direzion dla scolines (Urtijëi - Streda Roma 4 o San Martin de Tor - Piculin 22).

Ann de ublianza:
Aldò dl art. 2, coma 2, dla Lege Provinziela di 16 de agost 2008 n°5 ie un n ann de scolina de ublianza. Duc i mutons y la mutans nasciui danter l 1°de mei 2021 y i 30 de auril 2022 muessa unii scric ite ala scolina.

Cun la delibera dla Jonta Provinziela n°1.111 di 03.12.2024 vëniel definì criters y details per la ntroduzion dl ann de scolina de ublianza.

I respunsabli dl’educazion che sëurantol nstësc la furmaziun de si mutons o mutans ntan l ann de scolina de ublianza, muessa dé ju al chemun de residënza, nchin l tiermul per presenté la domanda de iscrizion, na autodetlarazion (verscion tudëscia - verscion taliana) che i fej nstësc ativiteies de furmazion cun i mutons y la mutans, che curespuend ala Ndicazions Provinzieles per la scolines dl Südtirol.

Nfurmazions plu avisa ie da giaté dala scolines y dala Direzion dla scolines al numer de telefon 0471-797117.

• Vorrangskriterien zur Aufnahme der Kinder in den Kindergarten
• Criteri di priorità per l'ammissione di bambini e bambine nella scuole dell'infanzia
• Iscrizions online - MyCivis (descrizion per tudësch)
• Iscrizions online - My Civis (descrizion per talian)
• Tituler dl dërt per la elaburazion di dac - Nfurmazion aldò dl art. 13 dl urdinamënt (EU) 2016/679 dl Parlamënt Europeich y dl Cunsëi di 27 de auril dl 2016