Iscrizion ala scola auta

La sculées y i sculeies dla terza tlas dla scola mesana muessa unì scric ite online ala prima tlas dla scola auta, dla scola prufesciunela o dla scola spezialistica dai genitores o la persones autorisedes ala educazion nchin ai 15 de fauré.

• L dërt de iscrizion ala prima tlas dla scola auta, scola prufesciunela o spezialisticha spieta a duta la jëunes y duc i jëuni che ne à mo nia stlut ju la scola o furmazion de ublianza.
• La iscrizion ala proscima tlasses vën fata de ufize.
• Sce n tol n cunscidrazion de mudé scola, muessen prejenté nchin ai 15 de fauré na dumanda ala scola ulache la sculea o l sculé ie scric ite.

La dumandes de iscrizion ie lientes. Te caji mutivei possa la diretëura o l diretëur de cumpetënza tò su la dumanda de trasferimënt a n’autra scola. Chësta dumandes mutivedes muessen te uni cajo dé ju nchin ai 30 de juni.

Lezion de religion

Tl Südtirol vën l nseniamënt dla religion catolica tenì a duta la sculées y a duc i sculeies - ora che sce i genitores o la persones autorisedes ala educazion detlarea de renunzië a chësc nseniamënt aldò de si lidëza de cuscienza.
La renunzia al nseniamënt dla religion de orientamënt catolich muessa unì prejenteda per scrit tl mumënt dla iscrizion y vela per dut l zitlus scolastich, ora che sce l vën fat na cumedura dla dezijion al scumenciamënt dl ann nuef de scola.

Funtana giuridica

La deposizions n cont dla iscrizions ie reguledes dala delibra dla Jonta provinziela di 14 dezëmber 2021, n. 1083 (link extern).