Iscrizion ala scola mesana

Iscrizion de ufize

La sculées y i sculeies dla cuinta tlas dla scola primera vën scric ite de ufize tla prima tlas dla scola mesana dla direzion raionela. La sculées y i sculeies che ne toca pra deguna direzion raionela, vën scric ite de ufize tla prima tlas dla scola mesana teritoriela de cumpetënza.

La iscrizion ala segonda y terza tlas dla scola mesana vën fata de ufize.

Trasferimënt a n’autra scola mesana

Nchin ai 31 de jené possa i genitores o la persones autorisedes ala educazion fé dumanda per l trasferimënt a n’autra scola mesana.

Lezion de religion

Tl Südtirol vën l nseniamënt dla religion catolica tenì a duta la sculées y a duc i sculeies - ora che sce i genitores o la persones autorisedes ala educazion detlarea de renunzië a chësc nseniamënt aldò de si lidëza de cuscienza.
La renunzia al nseniamënt dla religion de orientamënt catolich muessa unì prejenteda per scrit tl mumënt dla iscrizion y vela per dut l zitlus scolastich, ora che sce l vën fat na cumedura dla dezijion al scumenciamënt dl ann nuef de scola.

Funtana giuridica

La deposizions n cont dla iscrizions ie reguledes dala delibra dla Jonta provinziela di 14 dezëmber 2021, n. 1083 (link extern)