![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Iscrizion ala scola primera
Età di mutons
Ala prima tlas dla scola primera iel da scrì ite i mutons y la mutans che:
- cumplësc 6 ani nchin ai 31 de agost
- N possa nce scrì ite i mutons y la mutans che cumplësc 6 ani nchin ai 30 de auril tl ann de scola a chël che fej referimënt la iscrizion.
Cunsulënza
La scoles pieta ala families, n culaburazion cun la scolina ulache la muta o l mut ie scric ite y cun l sustëni dla Ntendënza Ladina, la cunsulënza che ie de bujën.
Iscrizion
La iscrizion vën fata nchin ala fin de jené tla scola de cumpetënza dai genitores o dala persones autorisedes ala educazion. La data avisa vën data dant dala diretëura o dal diretëur de referimënt.
La iscrizion ala proscima tlasses vën fata de ufize.
Lezion de religion
Tl Südtirol vën l nseniamënt dla religion catolica tenì a duta la sculées y a duc i sculeies - ora che sce i genitores o la persones autorisedes ala educazion detlarea de renunzië a chësc nseniamënt aldò de si lidëza de cuscienza.
La renunzia al nseniamënt dla religion de orientamënt catolich muessa unì prejenteda per scrit tl mumënt dla iscrizion y vela per dut l zitlus scolastich, ora che sce l vën fat na cumedura dla dezijion al scumenciamënt dl ann nuef de scola.
La deposizions n cont dla iscrizions ie reguledes dala delibra dla Jonta provinziela di 14 dezëmber 2021, n. 1083 (link extern).
